Pari lagi...

Hari ani 11/03/2009,aku turun memancing bersama ma'am besarku & c-Madi (ahli Geng Joran) di spot memancing kegemaran ku..di Pantai JPMC..miani ceritanya..~ Kami masa atu turun kesana dalam pukul 8,masa atu aku behajat besar kan menaikkan pari..sampai saja di tempat atu dengan berbekalkan umpan yang dibali dari tauke udang,c-Sawal (teman Geng Joran),kami pun memasang tarus senjata kami..aku masa atu membawa 3 joran & c-madi 3 joran jua..setelah abis masang,kami pun melabuh umpan..kira-kira dalam pukul 11 lalu pagi atu,masa aku siuk limpang-limpang..ma'am besarku pun beteriak rah ku sampai ku tekajut bah membagitau joran ku kana strike abis sampai "tunduk jipun",dalam masa kekajutan beserta panik sedikit sal siuk udah limpang-limpang,aku pun tarus belari rah joran ku sebuting (Joran Daiwa),payah cia lagi ku kan mencabut joranku dari lubang batu sampai main betandang bah,rasa kan mencabut ah..siuk mendangar drag spol Daiwa Opusbull ah..kuat tarikannya sampai aku mem-Pump main pun kana lawan balik,sambil atu jua aku beteriak memanggil c-Madi yang siuk-siuk mengail ikan gelama,nyuruh ambil penyiut & kait-kait..ku lock abis dah drag ku masih jua kana tarik,antah nda ku tau apa kah yang menarik atu..sampai saja c-Madi belari kan ngambil penyiut & kait-kait,telapas cia..setelah ku gulung abis,skali ku liat putus rah perambut nylon 80lbs ku,macam tekana batu usulnya..ndapa,bukan rezeki ku kali..tanpa putus semangat..aku pun memasang perambut baru & melabuh umpan lagi..dalam masa-masa menunggu atu,joran ku yang satu lagi kana tarik (Joran Technic..yang biasa saja $19.00 rah c-Benian dibandar),apa lagi..belari ku selajur mengambil..sekali ku gulung,macam nada jua..ku gulung lagi,ada rasa barat dikit.sekali nampak timbul pari..mula-mula nda ia melawan,udah kan ampir batu atu..tarus dibawanya menjunam,sehingga spol PENN CV8000 ku bebunyi dragnya tapi smooth bunyinya..kali ani,ku panggil lagi c-Madi yang masa atu siuk-siuk mengail ikan gelama di hujung..macam paham ia jua,tarus diambilnya penyiut & kait-kait..sampai saja pari atu ampir batu,ia pun turun kan menyiut pari atu,tapi nda muat sal penyiut ku atu damit dikit..meliat ia payah kan menyiut pari atu,aku pun membagi joranku rah ma'am besarku & mengambil kait-kait kan mendangani c-Madi..setelah dapat ku kait pari atu,aku pun tarus membawanya ke atas..naik saja ke atas,aku pun membuang tarus "itingnya",udah atu ku timbang..berat pari atu cun 5 kilo..rezeki awal telepas,ada lagi datang rezeki..alhamdulillah..